Porta do Sol

O escudo da Porta do Sol é obra de D. Alfonso de Acevedo y Zúñiga (conde entre 1513 e 1559), o que permitiría supoñer que a el se debe a reforma das murallas da vila. Aparece coroado pola coroa condal e presidido polo da familia dos Fonseca (cinco estrelas en aspa) e recorda ao seu avó arcebispo, que adquiriu a vila para regalárllela. Tamén aparecen as armas dos Zúñiga (banda e brochante rodeada por unha cadea), a súa avoa, e os Biedma (oito caldeiras). Nos cuarteis inferiores figuran as armas dos Acevedo (dous acivros e dous lobos), apelido que herdou do seu pai, e Ulloa (escaques en forma de faixas horizontais), o primeiro conde de Monterrei, tamén avó de Don Alfonso. De existir outro igual na Porta de San Francisco, todas as persoas que entrasen en Monterrei saberían quen era o señor da vila.